கச்சதீவு புனித அந்தோனியார் ஆலயத்தின் வருடாந்த உற்சவம் இன்று இடம்பெறுகின்றது.
கச்சதீவு புனித அந்தோனியார் ஆலய வருடாந்த உற்சவம் நேற்று மாலை நான்கு மணியளவில் கொடியேற்றத்துடன் ஆரம்பமானது.
இந்தியாவிலிருந்து 2 ஆயிரத்து 100 பக்தர்களும், இலங்கையிலிருந்து 2 ஆயிரத்து 800 பக்தர்களும் உட்பட 5 ஆயிரத்து 100 பேர் கச்சதீவு திருவிழாவில் பங்கேற்றுள்ளனர்.
நீண்டகாலத்தின் பின்னர் பெருமளவான இலங்கை – இந்திய பக்தர்களின் பங்கேற்புடன் வருடாந்த உற்சவத்திற்கான கொடியேற்ற வைபவம் சிறப்பாக இடம்பெற்றது.
இதனை தொடர்ந்து பாதை சிலுவை ஆலயத்தை சுற்றி வலம் வரும் நிகழ்வும் இடம்பெற்றது.
இம்முறை வருடாந்த கச்ச தீவு உற்சவத்திற்கு இலங்கை கடற்படை, இந்திய துணை தூதரகம், இலங்கையின வெளிவிவகார அமைச்சு ஆகியன முழுமையான பங்களிப்பை வழங்கியுள்ளதோடு உற்சவம் சிறப்பாக ஆரம்பமாகியுள்ளது.
இன்று சனிக்கிழமை காலை 7 மணியளவில் யாழ் மாவட்ட ஆயர் ஜஸ்டின் ஞானப்பிரகாசம் தலைமையில் திருப்பலி. ஒப்புக்கொடுக்கப்பட்டது.
இதன்பொழுது, 60 நாட்டு படகுகள் மூலமாகவும், 16 இழுவை மடி படகுகள் மூலமாகவும் இந்தியாவிலிருந்து 2100 பக்தர்களும், இலங்கையிலிருந்து கடற்படையினரின் படகுகள் மூலமும் ஏனைய தனியார் படகுகள் மூலமும் 2800 பக்தர்களும், வியாபாரிகள் 200 பேர் என மொத்தமாக 5100பேர் கச்ச தீவு பெருநாளில் கலந்து கொண்டுள்ளதாக அதிகாரபூர்வ தகவல்கள் தெரிவிக்கின்றன.
- இலங்கையில் அணுமின் நிலையத்தை நிர்மாணிப்பது தொடர்பிலான பிரேரணை
- இலங்கையுடன் டொலர் அல்லாத பரிவர்த்தனையை மேற்கொண்ட இந்திய வங்கி
- ஐக்கிய இராச்சிய பிரதிநிதியாக நியமிக்கப்பட்டுள்ள தமிழர்
- உள்ளூராட்சி சபைத் தேர்தல் தொடர்பில் எதிர்வரும் நாட்களில் நாடாளுமன்றில் விவாதம்
- திருமணத்திற்கு பின் ஜோதிகா வெற்றி கண்ட 6 படங்கள்
- பல போராட்டங்களுக்கு மத்தியில் இலங்கை பெண்ணுக்கு கிடைத்த வெற்றி