ரூ.34 கோடியில் ஆடம்பர வீடு வாங்கிய விராட் கோஹ்லி

Tamil Breaking News Today – தமிழ் செய்திகள் இன்று


ரூ.34 கோடியில் ஆடம்பர வீடு வாங்கிய விராட் கோஹ்லி

இந்திய கிரிக்கெட் அணியின் முன்னணி வீரரான விராட் கோஹ்லி மும்பையின் முக்கிய பகுதியில் 34 கோடி ரூபாய் மதிப்பில் வீடு ஒன்றை வாங்கியுள்ளார்.

இந்திய கிரிக்கெட் அணியின் முன்னணி வீரர்களில் ஒருவரான விராட் கோஹ்லி கிரிக்கெட் மற்றும் விளம்பரங்களால் கோடிக்கணக்கான பணத்தை குவித்து வருகிறார்.

தொண்டு நிறுவனம் நடத்தி பலருக்கும் உதவி வரும் விராட், கோடிக்கணக்கான பணத்தை பல்வேறு தொழில்களில் முதலீடும் செய்துள்ளார். குறிப்பாக இந்தியாவில் நடைபெறும் ஐ.எஸ்.எல். கால்பந்து லீக் தொடரில் கோவா அணியின் உரிமையாளராகவும் இருக்கிறார்.

தற்போது அவர் 34 கோடி ரூபாயில் மும்பையின் பிரபலமான வோர்லி பகுதியில் வீடு ஒன்று வாங்கியுள்ளார்.

இந்த குடியிருப்பானது 7171 சதுர அடி அளவுடையது என்றும் பிரபலமான அந்த தொகுப்பு வீட்டின் 35வது மாடியில் இடம்பெற்றுள்ளது எனவும் கூறப்படுகிறது.

இதுதொடர்பாக கடந்த சில மாதங்களாக நடைபெற்று வந்த பேச்சுவார்த்தை தற்போது முடிவுக்கு வந்துள்ளதாக கூறப்படுகிறது. இந்த குடியிருப்பானது இன்னும் முழுமையாக கட்டப்படவில்லை. 2018ம் ஆண்டுதான் கோஹ்லியின் கைக்கு கிடைக்கும் எனக் கூறப்படுகிறது. ஆடம்பரமாக ஐந்து பெட் ரூம் கொண்ட குடியிருப்பாக இருக்கும் எனக் கூறப்படுகிறது.

இதே தொகுப்பு குடியிருப்பில் 29வது மாடியில் உள்ள ஒரு குடியிருப்பை யுவராஜ் சிங் வாங்கியுள்ளது குறிப்பிடத்தக்கது.