ரிசாட் பதியுதீனின் அடிப்படை உரிமை மீறல் மனு – இன்று நடந்தது

ரிசாட் பதியுதீனின் அடிப்படை உரிமை மீறல் மனு இன்று விசாரணைக்கு அழைக்கப்பட்டு, எதிர்வரும் 011/06/2021 வரை ஒத்திவைக்கப்பட்டது.

அகில இலங்கை மக்கள் காங்கிரஸ் கட்சியின் தேசிய தலைவரும் பாராளுமன்ற உறுப்பினருமான அல்ஹாஜ் ரிஷாட் பதியுத்தீன் அவர்களின் அடிப்படை உரிமை மீறல் வழக்கு இன்று 04.06.2021 வெள்ளிக்கிழமை உச்ச நீதிமன்றத்தில் விசாரணைக்கு எடுத்து கொள்ளப்பட்டது.

இதன் போது உயர் நீதிமன்ற நீதியரசர்களில் ஒருவரான நீதியரசர் கோடாகொட தனிப்பட்ட காரணங்களுக்காக வழக்கு விசாரணையில் இருந்து தவிர்த்து கொள்வதாக அறிவித்தார்.

எனவே இதை தொடர்ந்து வழக்கு விசாரணை எதிர்வரும் 011/06/2021 வரை ஒத்திவைக்கப்பட்டது.

இவ் வழக்கு விசாரணையில் ஜனாதிபதி சட்டத்தரணிகளான பாயிஸ் முஸ்தபா, அனில் சில்வா, சிரேஷ்ட சட்டத்தரணிகளான ருஸ்தி ஹபீப் மற்றும் முன்னாள் இராஜாங்க அமைச்சரும் சட்டத்தரணியுமான அமீர் அலியும் ஆஜாராகினர்.

சிரேஷ்ட சட்டத்தரணி கெளரி தவராசா அவர்களின் வழிகாட்டலில் குறித்த மனு இடம் பெற்றுவருகிறது என்பது குறிப்பிடத்தக்கது.