வாகனங்களின் விலைகள் மீண்டும் அதிகரிக்கிறது? புதிய விலை நிலவரம்

வாகனம் விற்பனை விலைகள் மாற்றம் - Breaking news in Tamil

மீள்சீரமைக்கப்பட்ட வாகனம் விற்பனை விலைகள் எதிர்வரும் வாரங்களில் அதிகரிக்கும் என இலங்கை வாகன இறக்குமதியாளர்கள் சங்கம் (VIAL) எச்சரித்துள்ளது.

அதன் தலைவர் இந்திக்க சம்பத் மெரெஞ்சிகே இதனை தெரிவித்துள்ளார். தொடர்ந்தும் கருத்து வெளியிட்ட அவர்,

வாகன இறக்குமதியாளர்கள் 2022 வரவு செலவுத் திட்டத்தில் இருந்து உயிர்நாடியை எதிர்பார்க்கிறார்கள், ஆனால் அது அவர்களுக்கு சாதகமாக எந்த மதிப்பையும் சேர்க்கவில்லை.

கடந்த சில மாதங்களாக வாகனம் விற்பனை விலை கடுமையாக உயர்ந்துள்ளது. 2022ஆம் ஆண்டுக்கான வரவு செலவுத் திட்டம் தமக்கு சாதகமாக எந்தவொரு பெறுமதியையும் சேர்க்கவில்லை.

முன்னைய பிரச்சினைகளையே தாங்கள் தொடர்ந்து எதிர்கொள்வதாகவும் அவர் சுட்டிக்காட்டியுள்ளார்.

வாகனங்களின் விலை வழங்கல் மற்றும் தேவைக்கு ஏற்ப தீர்மானிக்கப்படும் என்றும் பொதுமக்களின் பொருளாதார நிலை குறித்து தங்களுக்கு தெரியாது என்றும் மெரெஞ்சிகே மேலும் தெரிவித்தார்.

மீள்சீரமைக்கப்பட்ட வாகனங்களின் விலைகள் சமீபத்தில் 50 வீதத்திற்கும் அதிகமாக சில சந்தர்ப்பங்களில் கணிசமாக அதிகரித்துள்ளன.

2018 இல் மாருதி சுசுகி வேகன் ஆர் விலை சுமார் 3.5 மில்லியன் ரூபாவாக இருந்தது. ஆனால் சமீபத்தில் அதன் சந்தை விலை 6 மில்லியன் ரூபாவாக உயர்ந்துள்ளது. பிரபலமற்ற அனைத்து வாகனங்களின் விலைகளும் 25 வீதம் அதிகரித்துள்ளன,” என்று அவர் மேலும் தெரிவித்துள்ளார்.

இதேவேளை, சுங்கத்தினால் கைப்பற்றப்பட்ட சுமார் 700 வாகனங்கள் பொருந்தக்கூடிய வரி செலுத்தப்பட்டதன் பின்னர் விடுவிக்கப்படும் என நிதியமைச்சர் பசில் ராஜபக்ச அண்மையில் நாடாளுமன்றத்தில் தெரிவித்தார்.