Gas explosion Sri Lanka – கேஸ் சிலிண்டர் வெடித்து இளம்பெண் உயிரிழப்பு

Gas explosion Sri Lanka எரிவாயு வெடிப்பதால் மக்கள் அச்சத்தில்

இலங்கையில் சமையல் எரிவாயு திடீரென வெடித்து சிதறும் (Gas explosion Sri Lanka) சம்பவத்தால் மக்கள் மத்தியில் பெரும் அச்ச நிலை ஏற்பட்டுள்ளது .

இந்நிலையில் கடந்த 12ஆம் திகதி வீடொன்றில் சமையல் எரிவாயு வெடிப்பு சம்பவத்தில் 19 வயதான யுவதி ஒருவர் உயிரிழந்துள்ளதாக சிங்கள ஊடகங்கள் தகவல் வெளியிட்டுள்ளன.

பொலன்னறுவை வெலிக்கந்த சந்துன்பிட்டிய கிராமத்திலுள்ள வீடொன்றில் எரிவாயு சிலிண்டர் வெடித்ததில் பலத்த காயமடைந்து கொழும்பு பொது வைத்தியசாலையில் சிகிச்சை பெற்று வந்த பெண் நேற்று மாலை உயிரிழந்துள்ளதாக வெலிக்கந்த பொலிஸார் தெரிவித்தனர்.

உயிரிழந்தவர் வெலிகந்த, சந்துன்பிட்டிய பகுதியை சேர்ந்த அயேஷா குமுதினி என அடையாளம் காணப்பட்டுள்ளதாக வெலிக்கந்த பொலிஸார் தெரிவித்தனர்.

குறித்த சம்பவம் இடம்பெற்றபோது வீட்டில் எவரும் இல்லாமையால் அயலவர்கள் வருகை தந்து சமையல் அறை முழுவதும் எழுந்த தீயை அணைத்து குறித்த பெண்ணை வெலிக்கந்த பிரதேச வைத்தியசாலைக்கு எடுத்துச் சென்றுள்ளனர்.

கேஸ் சிலிண்டர் வெடிப்பு ஆபத்திலிருந்து பாதுகாப்புக்கான அறிவுறுத்தல்

இன்று மற்றொரு கேஸ் சிலிண்டர் வெடிப்புச் சம்பவம்; அச்சத்தில் மக்கள்

சமகாலத்தில் நாட்டின் பல்வேறு பகுதிகளில் கேஸ் வெடிப்பு சம்பவங்கள் (Gas explosion Sri Lanka) இடம்பெற்று வருவதாக தகவல் வெளியாகி உள்ளன.

இலங்கையில் தற்போது கேஸ் தட்டுப்பாடு நிலவி வருகின்ற நிலமையில் ஆங்காங்கே கடந்த ஒரு சில தினங்களுக்குள் பல்வேறு பகுதிகளில் கேஸ் வெடிப்பு சம்பவங்களும் இடம்பெற்று வருவதாக தற்போது செய்திகள் தெரிவிக்கின்றன.

இது தொடர்பில் பொலிசார் தீவிர விசாரணைகளை மேற்கொண்டு வருவதுடன், விஞ்ஞான ரீதியிலான ஆய்வுகளும் மேற்கொள்ளப்படுவதாக மேலும் தெரிய வருகிறது.

எனினும் புதிதாக வீட்டுக்கு கொண்டு வருகின்ற எரிவாயு சிலிண்டர்கள் தொடர்பில் மிகுந்த அவதானமாக கையாளுமாறு பொதுமக்கள் அறிவுறுத்தப்பட்டுள்ளனர்.

இலங்கையில் வீடுகளில் உள்ள எரிவாயு சிலிண்டர்கள் வெடிக்கும் ஆபத்தான நிலையில்

வீடுகளில் வெடிக்கும் கேஸ் சிலிண்டர்- இன்றும் மற்றொரு வெடிப்பு சம்பவம்